102-vjetori i Shërbimit Pyjor Shqiptar , Kumbaro : Vazhdojmë me menaxhimn e pyjeve

Sot shënohet 102-vjetori i Shërbimit Pyjor Shqiptar, një moment domethënës që përfaqëson me angazhimin e pandërprerë për mbrojtjen dhe rritjen e pasurive pyjore. Gjatë Vitit të Pyjeve, ministria ogranozoi mbledhje të veçanta në mbjelljen dhe menaxhimin e pyjeve, si dhe në edukimin e të rinjve për rëndësinë e ruajtjes së natyrës. Ky përkushtim vazhdon me intensitet edhe në sezonin aktual të mbjelljeve.

Një zhvillim i rëndësishëm i ditës së sotme është po ashtu dhe nënshkrimi i Memorandumit të Bashkëpunimit mes Agjencisë Kombëtare të Pyjeve të Shqipërisë dhe Agjencisë Pyjore të Kosovës. Ky bashkëpunim shënon një hap të rëndësishëm për mbrojtjen e pasurisë natyrore të dy vendeve dhe përmirësimin e menaxhimit të resurseve pyjore.

Memorandumi synon:

• Përmbushjen e detyrimeve për aderimin e Shqipërisë dhe Kosovës në Bashkimin Evropian.
• Shkëmbimin e praktikave më të mira dhe gjetjen e zgjidhjeve të përbashkëta për sfidat që lidhen me ndryshimet klimatike.
• Zgjerimin e bashkëpunimit bilateral në fushën e pyjeve, bazuar në marrëveshjet ndërqeveritare të të dy vendeve.

Ky partneritet jo vetëm që përforcon kapacitetet për mbrojtjen e pyjeve, por gjithashtu kontribuon në zhvillimin e qëndrueshëm dhe përmbushjen e objektivave strategjike të Shqipërisë dhe Kosovës në rrugën drejt integrimit evropian.