AI rekomandon Shqipërinë si një ndër destinacionet që duhet të vizitoni në 2025

Media britanike "Travel News" ka zgjedhur Shqipërinë si një nga destinacionet kryesore për pushimet e vitit 2025, bazuar në rekomandimet e Inteligjencës Artificiale. Artikulli thekson bukuritë unike të rivierës shqiptare, duke e cilësuar atë si një vend të jashtëzakonshëm për t'u vizituar vitin e ardhshëm.

Me plazhe mahnitëse, natyrë të paprekur dhe një mikpritje tradicionale, Shqipëria po shndërrohet gjithnjë e më shumë në një destinacion të preferuar për turistët ndërkombëtarë. Ky vlerësim jo vetëm që promovon vendin tonë, por edhe tregon potencialin e tij për të qenë pjesë e hartës turistike globale.

Viti 2025 mund të jetë një mundësi e shkëlqyer për të shfaqur akoma më shumë bukuritë e rivierës sonë për botën!

Gjithashtu lajmi u bë i ditur nga Ministrja e Turizmit dhe Mjedisit Mirela Kumbaro e cila këtë ngjarje e ndau në rrjete sociale.

“Ndërkohë vizitorët nga Anglia vijojnë të rriten me shpejtësi vit pas viti, duke u kthyer në lajmëtarët më të mirë të ofertës turistike shqiptare, teksa nga janari në nëntor të këtij viti kemi mirëpritur 310 mijë vizitorë britanikë, ose +41% krahasuar me vjet”