Balluku : Shtimi i 4 korsive e bën autostradën Tiranë - Durrës autostradë të kategorisë "A"

Ministrja e Infrastrukturës dhe Energjisë, Belinda Balluku, gjatë një interviste në emisionin “Aldo Morning Show” , bëri të ditur se Unaza e Madhe e Tiranës, një nga projektet më të rëndësishme infrastrukturore në kryeqytet, është përfunduar më 30 dhjetor dhe tashmë është e hapur për të gjithë qytetarët.

Balluku sqaroi se aktualisht po punohet vetëm në rampat shtesë, të cilat do të përfundojnë më 30 janar. Ky projekt pritet të ketë një ndikim të rëndësishëm në disa aspekte të jetës urbane dhe ekonomike të qytetit.

Përfitimet Kryesore të Unazës së Madhe

• Lehtësimi i Trafikut: Infrastruktura e re do të ndihmojë në zbutjen e trafikut të ngarkuar të Tiranës, duke siguruar një qarkullim më të shpejtë dhe më të sigurt.
• Zhvillimi Ekonomik: Ndikimi i Unazës së Madhe shtrihet përtej trafikut, duke favorizuar bizneset në zonën përreth dhe duke rritur vlerën e pronave.
• Përmirësimi i Jetës Urbane: Projekti jo vetëm që lehtëson jetën e përditshme të qytetarëve, por gjithashtu kontribuon në modernizimin e infrastrukturës së kryeqytetit.

Ky projekt i rëndësishëm për Tiranën jo vetëm që plotëson një nevojë të kahershme infrastrukturore, por krijon mundësi të reja për zhvillim urban dhe ekonomik në të gjithë zonën.

"Tiranë-Durrësi do të bëhet autostradë gjithashtu e kategorisë A sepse Tiranë-Durrësi  sot është një autostradë e kategorisë B, me dy korsi ndërkohë që planifikohet dhe kemi nisur nga puna, punimet janë duke ecur shumë mirë, 25% e volmeve është ezauruar deri tani."

"Po punojmë me hapjen dhe mbushjen e trupit të rrugës ku shtohen dy korsi, njëra në çdo krah, korsi të plota aksesi, nga 3.75 metra ndërkohë që shtohet edhe një korsi e katërt në të dyja krahët që është korsia e emergjencës që është 3 metra."

"Shtohen me 4 korsi e gjithë autostrada, dy në të dyja krahët duke çuar kështu në një autostradë të kategorisë A dhe duke i dhënë mundësinë për shpejtësi deri në 130 km dhe duke e sjellë në parametra me  të gjitha autostradat e reja që po ndërtojmë."- Shprehu ministrja.