Barnat kundër obezitetit/ Wall Street parashikon rritje të shitjeve

Shumica e analistëve parashikojnë se tregu për barnat e reja për humbje peshe si Wegovy dhe Mounjaro do të jetë i madh, por vlerësimet ndryshojnë.

Bindja e analistit të Guggenheim, Seamus Fernandez vjen nga besimi i tij se inkretinat me bazë GLP-1 do të bëhen barnat më të përshkruara ndonjëherë deri ose para vitit 2031. Jo vetëm që këto barna funksionojnë mirë për menaxhimin e niveleve të insulinës dhe për të ndihmuar pacientët të humbin peshë, por studimet janë gjithashtu duke u zhvilluar për të treguar përfitimet e tyre për shëndetin kardiovaskular, apnea e gjumit dhe sëmundjet kronike të veshkave.

Fernandez parashikon që 50 miliardë dollarë në shitjet e GLP-1 do të vijnë nga pacientët me diabet pasi mjekimi inkretin bëhet standardi i kujdesit për këtë gjendje. Pacientët me obezitet do të shtojnë 140 miliardë dollarë të tjerë në shitje, tha ai.

Ilaçet janë shumë të shtrenjta, me një çmim të listës deri në 1,350 dollarë në muaj për Wegovy. Për momentin, mbulimi i sigurimit privat nuk është një garanci për ata që kërkojnë trajtim për humbje peshe dhe programi federal Medicare nuk mbulon fare ilaçet për humbje peshe.

Gjithsesi, situata e sigurimeve po përmirësohet, ashtu si edhe pengesat e furnizimit.

Një numër i madh analistësh presin që këto çështje të zgjidhen me kalimin e kohës dhe presin që shitjet maksimale për këto ilaçe të arrijnë rreth 100 miliardë dollarë deri në vitin 2030.

Wegovy

Wegovy ka dëshmuar tashmë një sukses fenomenal në Shtetet e Bashkuara dhe tani po shpërndahet në disa tregje evropiane, duke përfshirë Norvegjinë, Danimarkën dhe Gjermaninë, duke shkaktuar shqetësime në industrinë e konsumatorit dhe shitjes me pakicë se shitjet e ushqimit mund të ndikohen.

Novo Nordisk

"Përparimi i Novo-s mund të çojë patjetër në ndryshime të mëdha si për kompanitë e ushqimit dhe pijeve, por edhe për aksionet e tjera të lidhura me shëndetin brenda industrisë së obezitetit,"- tha Kiran Aziz, kreu i investimeve përgjegjëse në fondin më të madh të pensioneve të Norvegjisë KLP, i cili mban aksione si në Novo Nordisk ashtu edhe një sërë kompanish ushqimore.