Çfarë është 'Barbie Botox', trendi më i fundit i bukurisë i TikTok?

Isabelle Lux, një krijuese videosh 32-vjeçare nga Palm Beach, Florida, tha se ishte e tmerruar ndërsa ishte ulur në karrige duke pritur për 'Barbie Botox'-in e saj - 40 njësi të neurotoksinës të injektuara në secilin trapez, tek muskuli që mban lart qafën e saj.

Ajo po kërkonte të hollonte shpatullat e saj në përgatitje për martesën e saj, si dhe të çlironte disa dhimbje në pjesën e sipërme të shpinës. “Po mendoja gjatë gjithë kohës, ‘Nëse shkon siç duhet, kjo do të jetë e mrekullueshme dhe mezi pres ta ndaj (online). Nëse kjo shkon keq, më mirë paralajmëroj njerëzit. Pra, në thelb kuptova se çfarëdo të ndodhë, do t'u tregoj njerëzve.’ Dhe Zot, thjesht u luta që të shkonte mirë.”

Procedura fillimisht u krijua për të ndihmuar lirimin e muskujve të mbingarkuar, të cilët mund të shkaktojnë migrenë dhe tension intensiv të qafës. Tani, kjo procedure është duke u perdorur  për të zvogëluar në mënyrë kozmetike madhësinë e shpatullave, dhe duke zgjatur qafën. Dhe po fiton vëmendje në mediat sociale.

“Kur Botox injektohet në një muskul, ai ndalon lidhjen me nervin”, tha Dr. Parisha Acharya, mjeke kryesore kozmetike në klinikën e njohur të estetikës mjekësore në Londër Waterhouse Young në një intervistë telefonike për CNN. “Me kalimin e kohës çon në një dobësim dhe paralizë të muskujve. Në mënyrë indirekte, muskuli tkurret.”

Hashtag-u "Barbie Botox" aktualisht ka mbi 7 milionë shikime në TikTok, ku MediSpas dhe klinikat dokumentojnë injektimin e klientëve të tyre, duke shtuar titrat rozë pastel dhe emoji me shkëlqim. Videoja e Lux-it që detajon përvojën e saj me trajtimin tani është parë më shumë se 250,000 herë. Ato e vlerësojnen veten me shpikjen e frazës. “Ka ardhur nga ideja që do të dukesh më shumë si një Barbie kur ta bësh, gjë që nuk mendoj se është një gjë e keqe”, tha ajo për CNN në një intervistë telefonike. “Zgjat qafën, hollon shpatullat dhe krijon një fizik shumë delikat kur bëhet siç duhet.”

Megjithatë, nëse perdoret gabimisht, ose në dozën e gabuar, Botox mund të paralizojë plotësisht muskujt, tha Dr. Acharya. "Dhe veçanërisht nëse është rreth qafës, kjo mund të jetë mjaft domethënëse sepse mund të ndikojë në aftësinë tuaj për të mbajtur kokën lart siç duhet."

Si për ironi, ‘Barbie Botox’ u shfaq në të njejtën kohë me filmin e sapo publikuar “Barbie” i cili tërhoqi jo pak njerëz në historinë e saj.’ Ishte shumë pro-feminizmit dhe (gratë) po largoheshin nga seksualizimi i trupave tanë dhe duke menduar për to thjesht si objekte”, tha Dr.Acharya. “Nuk më pëlqen fakti që ky trend po përdor Barbie për të thënë se duhet të kemi qafë të hollë. Ne duhet të përqafojmë veten për atë që jemi.”