E ngarkuara me Punë Nancy VanHorn takim me prokurorinë e Gjirokastrës

E Ngarkuara me Punë Nancy VanHorn zhvilloj një takim me prokurorinë e Gjirokastrës , ku në të ishte z. Petrit Cano dhe kolegët e tij prokurorë. Znj. VanHorn shprehu falënderime të veçanta për anëtarët e Prokurorisë së Gjirokastrës, duke vlerësuar përkushtimin e tyre të përditshëm. Ajo theksoi se, ndonëse vëmendja kryesore në vend shpesh është e përqendruar te Tirana, prokurorët në mbarë Shqipërinë vazhdojnë të punojnë me përkushtim në kushte sfiduese, duke ofruar drejtësi dhe mbështetje për qytetarët e zakonshëm, veçanërisht ata që janë viktima të krimit.

Znj. VanHorn, së bashku me përfaqësues të Ambasadës së SHBA-së, zhvilluan një takim me disa organizata në Gjirokastër, duke përfshirë Komisionerin e Lartë të Kombeve të Bashkuara për Refugjatët (UNHCR), Caritas Albania dhe përfaqësuesin e Avokatit të Popullit. Këto organizata bashkëpunojnë për të siguruar shërbime për imigrantët që kalojnë përmes Shqipërisë jugore dhe për të mbështetur autoritetet në procesin e shqyrtimit paraprak. Znj. VanHorn shprehu mirënjohjen e saj për përkushtimin e tyre në ofrimin e këtyre shërbimeve jetike për individët më të cenueshëm.

"Këto angazhime theksuan përkushtimin tonë të përbashkët ndaj drejtësisë dhe zbatimit të ligjit, mbështetjen për popullatat e cenueshme dhe rëndësinë e përpjekjeve bashkëpunuese për të rritur sigurinë për qytetarët e Shqipërisë" , shprehu ajo në rrjete sociale në krah të postimeve.