Edicioni i III-të i “Tirana Street Food Festival”/Vjen në Tiranë festivali i ushqimit

Për të gjithë të apasionuarit e ushqimit, muzikës dhe festës Tirana mundëson këto gëzime në një festival të vetëm. Është pikërisht Tirana Street Food Festival në edicionin e tretë të tij , rikthyer në kryeqytet për të festuar së bashku.

Ky event planifikohet të mbahet në datat 15-20 Nëntor, që do e transformojë Tiranën në një oaz gastronomie. Ngjarja mezi pritet nga të gjithë për të ndjekur panairin e ushqimeve të shijshme nga rajone të ndryshme shqiptare. Për këtë arsye, do të festohet kuzhina ndërkombëtare dhe kultura e Tiranës.

Kryetari i bashkisë së Tiranës fton qytetarët të marrin pjesë në eventin e madh të ushqimit.

`Në datat  15 deri në 20 Nëntor, te Sheshi Skënderbej, bashkohuni me ne për një aventurë kulinare të shumëllojshme nga shitës vendas dhe ndërkombëtarë,- shkruan ai në Facebook.

Festivali do të shërbejë si platformë për kuzhinierët vendas dhe sipërmarrësit e ushqimit të shfaqin aftësitë e tyre me një mori specialitetesh. Pjesëmarrësit do të kenë mundësinë të jenë aktivë , të mësojnë si përgatiten pjatat e tyre, nga shefat e kuzhinës dhe prezantime të gatimeve po aty.

Nuk do të mungojë muzika, shfaqjet kulturore dhe demonstrimet elektronike për ta bërë atmosferën më festive.

Vizitorët do të shijojnë spektaklin e ofruar nga bizneset që kanë bashkëpunuar me njëri-tjetrin, qofshin ata lokalë apo të huaj, falë mbështetjes së Bashkisë së Tiranës.