Eksploronin Malin e Dajtit: Humbasin rrugën dy turistë nga Çekia

Pasditen e ditës së djeshme dy turistë nga Çekia, kanë humbur teksa eksploronin në Malin e Dajtit.

Të mahnitur nga natyra shqiptare nuk kanë gjetur rrugën e kthimit.

Vetëm pas disa orësh kërkimi, është bërë e mundur gjetja e vendndodhjes së tyre.

Kjo dhe si pasojë e terrenit të vështirë të thepisur që karakterizon vendin.

Automjetet nuk mund të përshkojnë këtë rrugë , megjithatë pasi ploicia është vënë në lëvizje, janë lokalizuar në gjendje të mirë shëndetësore.

Shërbimet e Komisariatit të Policisë Nr. 4 së bashku me Forcën Kombëtare të Sigurisë Publike, i kanë ardhur në ndihmë dy turistëve çekë.

Policia bën thirrje të gjithë qytetarëve të Shqipërisë dhe të huaj që vizitojnë Tiranën e jo vetëm, të telefonojnë 112 për çdo problem që hasin.