Gjendet një foshnje e braktisur/ Policia shqyrton ngjarjen e rëndë

Në kryeqytet ditën e sotme është raportuar nga Policia një tjetër ngjarje e rëndë.

Në bodrumin e një pallati në Tiranë, është gjetur një foshnje e braktisur.

Bëhet me dije se ka qenë një banor i zonës së Yzberishtit, i cili ka gjetur beben e lënë në mëshirë të fatit këtë të mërkurë.

Ai ka dëgjuar të qarat dhe ka njoftuar menjëherë policinë. Foshnja ishte e mbështjellë me batanije.

I porsalinduri është dërguar me urgjencë në spital dhe fatmirësisht është në gjendje të stabilizuar shëndetësore.

Policia vazhdon hetimet për zbulimin e personit që e ka braktisur.