Hanuka: Kryeministri Rama uron komunitetin hebre në Shqipëri

Sot, më 7 dhjetor komuniteti hebre feston Hanukën, një triumf mbi errësirën.

Hanukkah është një festival hebre që përkujton rimëkëmbjen e Jeruzalemit dhe ripërkushtimin e mëvonshëm të Tempullit të Dytë në fillimin e Revoltës së Makabeve kundër Perandorisë Seleucid.

Kryeministri Edi Rama ka shprehur urimin e tij për këtë ditë të gjithë atyre që e festojnë në Shqipëri dhe botë.

Kjo ditë e veçantë shërben për të reflektuar dhe për të gjetur forcën tek besimi.

“Ndërsa dritat e Hanukas ndriçojnë shtëpitë dhe zemrat, unë i dërgoj përshëndetje dhe bekime të përzemërta komunitetit hebre në Shqipëri dhe anembanë globit, dhe veçanërisht atyre në Shtetin e Izraelit. Hanukkah, Festivali i Dritave, feston triumfin e dritës mbi errësirën, të spiritualitetit mbi materializmin dhe të lirisë mbi shtypjen.

Është një kohë për të reflektuar mbi mrekullinë e Makabenjve dhe forcën e qëndrueshme të besimit. Uroj që qirinjtë Hanukkah të sjellin shpresë dhe dritë në jetën e të gjithë njerëzve hebrenj dhe shkëlqimi i tyre u kujtoftë të gjithëve unitetin dhe qëndrueshmërinë që përcaktojnë shpirtin njerëzor,``- shkruan kryeministri.