Igli Hasani takim me kryetarin e rradhës të OSBE-së

Ministri i Punëve të Jashtme, z. Hasani, priti në Tiranë Kryetarin e radhës të OSBE-së, Zëvendëskryeministrin dhe Ministrin e Punëve të Jashtme të Maltës, Ian Borg. Takimi u zhvillua në kuadër të përpjekjeve për të forcuar bashkëpunimin rajonal dhe sigurinë në Evropë. Ministri Hasani vlerësoi angazhimin e Maltës në OSBE dhe shprehu gatishmërinë e Shqipërisë për të punuar ngushtë me Kryesinë malteze në adresimin e sfidave të përbashkëta. Kjo vizitë pasqyron synimet e përbashkëta të të dy vendeve për stabilitet dhe zhvillim demokratik në rajon dhe më gjerë.

Ministri i Punëve të Jashtme, z. Hasani, shprehu përgëzimet e Shqipërisë për Kryesinë Malteze, duke vlerësuar udhëheqjen e saj parimore në krye të OSBE-së gjatë një periudhe sfiduese për sigurinë dhe stabilitetin në rajon. Ai theksoi se përkushtimi i Maltës për të adresuar çështjet kritike dhe për të promovuar dialogun mes vendeve anëtare ka qenë një shembull frymëzues dhe një ndihmë e madhe në përballimin e sfidave aktuale.

Gjatë takimit, Ministri Hasani dhe Kryetari i radhës i OSBE-së, Ian Borg, diskutuan rolin kritik të OSBE-së në promovimin e paqes, stabilitetit dhe bashkëpunimit në rajon. Ministri Hasani theksoi rëndësinë e arritjes së konsensusit për çështjet kyçe, duke nënvizuar se një unitet i tillë është thelbësor për funksionimin efektiv të organizatës. Palët ranë dakord se angazhimi i përbashkët dhe dialogu i hapur janë të domosdoshëm për të përballuar sfidat aktuale dhe për të forcuar stabilitetin në gjithë rajonin e OSBE-së.

"Shqipëria ka besim dhe vlerëson OSBE-në dhe pret që Ministeriali i ardhshëm të jetë produktiv. Ndërsa i afrohemi 50-vjetorit të Aktit Final të Helsinkit në 2025, adresimi i sfidave dritëshkurtra në mënyrë kolektive dhe prioritizimi i përfitimit afatgjatë dhe misionit thelbësor të organizatës është i një rëndësie të madhe."

Shprehu Hasani në rrjete sociale