Investimet në bujqësi: Sot hapet mundësia për aplikime ndërkombëtare

Ministrja e Bujqësisë, Anila Denaj, njoftoi se aplikimet për skemën e investimeve do të jenë të hapura për pesë javë duke filluar nga sot . Fermerët që do të investojnë do të mund të përfitojnë deri në 50% grant nga buxheti i shtetit. Ky iniciativë synon të mbështesë rritjen e prodhimit vendas dhe zhvillimin e sektorit të bujqësisë.

Aplikimet mund të bëhen pranë zyrave qendrore të Agjencisë për Zhvillimin Bujqësor dhe Rural (AZHBR) për pesë masa mbështetëse, të cilat janë:

1. Ndërtimi i Serrave Diellore të Reja
2. Ndërtimi i Rrjetave Antibreshër
3. Ndërtimi i Stallave
4. Mekanizimi i Sektorit të Bujqësisë
5. Koshat dhe Rrjetat e Peshkimit për Akuakultur

“Është një Skemë Kombëtare, që vijon skemën e fillimit të vitit, të subvencioneve të drejtpërdrejta dhe kështu kompleton një cikël të mbështetjes financiare, që Qeveria Shqiptare ka dhënë dhe jep për një sektor shumë të rëndësishëm, i cili jo vetëm angazhon një numër të konsiderueshëm punonjësish, por mbi të gjitha është një motor i zhvillimit të ekonomisë tuaj familjare, ekonomisë së përgjithshme shqiptare dhe na bën krenar sot në 80 tregje elitare”, tha Denaj.