"Lufta ndaj trafikimit të jashtëligjshëm të pasurive kulturore në Ballkanin Perëndimor", Nismë e financuar nga Komisioni Evropian dhe zbatuar nga UNESCO

Në kuadër të projektit “Lufta kundër trafikimit të jashtëligjshëm të pasurive kulturore në Ballkanin Perëndimor,” i mbështetur nga Komisioni Evropian (DG NEAR/DG EAC) dhe i zbatuar nga UNESCO përmes Zyrës Rajonale të UNESCO-s për Shkencë dhe Kulturë në Evropë (Venecia) dhe Antenës së saj në Sarajevë, filloi një seminar pesë-ditor për forcimin e kapaciteteve të partnerëve institucionalë të ndryshëm në Shqipëri.

Ky seminar synon të ofrojë njohuri dhe mjete praktike që do t’i ndihmojnë pjesëmarrësit të përballen me sfidat e trafikimit të pasurive kulturore dhe të zhvillojnë strategji efektive për mbrojtjen e trashëgimisë kulturore.

Objektivi kryesor i projektit është të inkurajojë bashkëpunimin rajonal, pajtimin dhe marrëdhëniet e mira fqinjësore përmes trashëgimisë dhe kulturës, si një parakusht thelbësor për përparimin në rrugën evropiane, sidomos në drejtim të përafrimit të legjislacionit kombëtar me atë të Bashkimit Evropian.

Projekti ka si qëllim të promovojë dialogun, respektin e ndërsjellë, besimin dhe mirëkuptimin ndërkulturor midis komuniteteve, duke kontribuar në krijimin e një ambienti të favorshëm për pajtimin, stabilitetin dhe zhvillimin e qëndrueshëm.