Marco Alberti është caktuar si ambasadori i ri i Italisë në Shqipëri

Marco Alberti ka marrë zyrtarisht detyrën si ambasadori i ri i Italisë në Shqipëri, duke nisur një kapitull të ri në marrëdhëniet diplomatike mes dy vendeve. Me një eksperiencë të gjatë në diplomaci dhe politikën ndërkombëtare, Alberti është shprehur i angazhuar për të forcuar lidhjet tradicionale mes Shqipërisë dhe Italisë.

Gjatë ceremonisë zyrtare të dorëzimit të kredencialeve, ambasadori Alberti u prit nga autoritetet më të larta të shtetit shqiptar. Ata e uruan për detyrën dhe theksuan rëndësinë e bashkëpunimit strategjik mes dy vendeve, i cili përfshin fushat ekonomike, kulturore dhe institucionale.

Në fjalën e tij, ambasadori Alberti theksoi se Italia mbetet një partnere e rëndësishme për Shqipërinë, duke shtuar: “Për transformimin e një partneriteti strategjik në projekte dhe projekte në rezultate. Pasion dhe vendosmëri për të ndërtuar së bashku të ardhmen e paqes, zhvillimit të qëndrueshëm dhe rritjes gjithëpërfshirëse midis dy popujve miq, duke mbështetur me gjithë zemër aderimin e Shqipërisë në Bashkimin Europian. ”

Ambasadori i ri vuri në pah edhe prioritetet e tij, si nxitja e investimeve italiane në Shqipëri, mbështetja për procesin e integrimit europian dhe promovimi i shkëmbimeve kulturore mes të rinjve të të dy vendeve.

Me emërimin e Marco Albertit, pritet një intensifikim i mëtejshëm i marrëdhënieve mes Shqipërisë dhe Italisë, duke ndërtuar mbi themelet e forta të partneritetit që kanë karakterizuar bashkëpunimin dypalësh ndër vite.