Mbahet samiti në Bruksel, diskutimi mes liderëve të BE-së dhe Ballkanit Perëndimor

Është mbajtur samiti ditën e sotme në Bruksel mes vendeve të Ballkanit Perëndimor dhe liderëve të Bashkimit Evropian.

U diskutua se për vendet e rajonit nuk ka data konkrete për anëtarësimin e tyre.

Megjithatë, ka pritshmëri për ndihmë financiare. Ballkani kështu të jetë më afër Brukselit dhe larg shteteve të Kinës dhe Rusisë.

Për shtetin shqiptar, Serbinë, Maqedoninë e Veriut apo Malin e Zi nuk ka data konkrete për anëtarësim sipas analistit Bernd Riegert.

Komisioni i BE-së është akoma në proçes negociatash me shtetet e përmendura më lart, pasi duhen përshtatur legjislacionet, mënyrat e qeverisjes së shtetit sipas kritereve të BE-së.

Sipas analistit, ndihet një energji e re për pranimin e shteteve të Ballkanit dhe zgjerimin në familjen evropiane.

Në mënyrë që të bëhen përparime në anëtarësim duhet që këto vende të zgjidhin konfliktet mes tyre. Shqipëria ka bërë hapat e nevojshme për të nisur bisedime ekzakte. Por, ka vështirësi në marrëdhënien me fqinjin grek për rastin e kryebashkiakut në jug të vendit.

BE-ja ka përfshirë disa programe, për të siguruar rritjen ekonomike, inovacionin, infrastrukturën dhe investimet e mëtejshme në Ballkan.