Ministrja Denaj diskuton bashkëpunimin UBT-BOKU 2030: Synimi për një arsim bujqësor modern dhe ekselencë rajonale

Ministrja e Bujqësisë dhe Zhvillimit Rural, Anila Denaj, priti në një takim special profesor Hubert Hasenauer, ish-rektorin e Universitetit BOKU të Vjenës, bashkë me rektorin e Universitetit Bujqësor të Tiranës, Fatbardh Sallaku, dhe afërsisht 50 studentë nga UBT.

Gjatë takimit, u diskutua rreth progresit të projektit UBT-BOKU 2030, i cili ka si qëllim të forcojë arsimin dhe kërkimin shkencor në fushën e bujqësisë.

Ministrja Denaj theksoi se, përmes modernizimit të arsimit bujqësor, ky bashkëpunim ndërkombëtar po hap mundësi të reja për rreth 6000 studentë, duke i përgatitur ata për të qenë profesionistë të kualifikuar të sektorit në të ardhmen.

“UBT, e cila është tashmë në rrugën për t’u bërë një Qendër Ekselence Rajonale, do të ofrojë diploma të dyfishta dhe programe akademike të reja që plotësojnë standardet e Universitetit BOKU të Vjenës,” deklaroi Denaj.