Nancy Vanhorn dhe presidenti Begaj zhvillojnë organizim për Ditën Ndërkombëtare të Personave me Aftësi Ndryshe

Chargé d'Affaires Nancy VanHorn, në bashkëpunim me Presidentin e Republikës, Bajram Begaj, organizuan një aktivitet për të nderuar Ditën Ndërkombëtare të Personave me Aftësi Ndryshe.

Ambasada e SHBA shprehu krenarinë e saj për mbështetjen e iniciativave që synojnë krijimin e një shoqërie më gjithëpërfshirëse dhe mbështetëse në Shqipëri. Në fjalën e saj, VanHorn theksoi rëndësinë e respektimit të të drejtave të personave me aftësi ndryshe dhe promovimit të përfshirjes dhe diversitetit si vlera thelbësore për një shoqëri të barabartë.

Ky organizim shënoi një moment të rëndësishëm për të rritur ndërgjegjësimin dhe për të nxitur veprime konkrete në mbështetje të një komuniteti të përbashkët dhe të fuqishëm.

"Mirëpres të shoh që politikëbërësit dhe kampionët e aftësisë ndryshe në këtë sallë të shtyjnë përpara për veprime konkrete për të siguruar një të ardhme ku, ashtu sikurse dhe Presidenti tha, askush nuk do të mbetet pas, ku çdo zë do të dëgjohet dhe ku çdo shqiptar të ketë mundësinë të arrijë potencialin e tij të plotë. Për personat me aftësi ndryshe këtu sot: vendosmëria juaj na frymëzon të gjithëve që të bëjmë më mirë dhe të qëndrojmë së bashku për një botë më gjithëpërfshirëse."