Pirro Vengu pritet nga homologu i tij në Romë , Guido Crosetto

Ministri i Mbrojtjes së Shqipërisë, z. Pirro Vengu, zhvilloi një takim të rëndësishëm me ministrin e Mbrojtjes së Italisë, z. Guido Crosetto, në Romë, ku u diskutuan çështje kyçe të sigurisë dhe bashkëpunimit ndërmjet dy vendeve. Takimi nënvizoi angazhimin e përbashkët për përforcimin e marrëdhënieve në fushën e mbrojtjes dhe sigurisë.

Gjatë takimit, ministri Vengu shprehu mirënjohjen për përkushtimin e homologut të tij italian dhe ekipit të tij, duke theksuar rëndësinë e një partneriteti të ngushtë mes Shqipërisë dhe Italisë. Ministri theksoi se bashkëpunimi mes dy vendeve është jetik, sidomos në kontekstin e sfidave të përbashkëta me të cilat përballet hapësira adriatiko-joniane.

Gjithashtu, ministri Vengu përmendi vigjilencën e përbashkët dhe përkushtimin për mbajtjen e stabilitetit në Ballkanin Perëndimor, duke theksuar rëndësinë e bashkëpunimit dypalësh për të adresuar sfidat e sigurisë rajonale. Ministrat nënvizuan që ky angazhim për të mbrojtur sigurinë e përbashkët është një shembull i rëndësishëm i marrëdhënieve të forta dhe të qëndrueshme mes Shqipërisë dhe Italisë.

Gjatë takimit , Ministri i Mbrojtjes së Shqipërisë, z. Pirro Vengu, dhe homologu i tij italian, z. Guido Crosetto, rikonfirmuan vendosmërinë për të fuqizuar partneritetin strategjik mes Shqipërisë dhe Italisë, nën drejtimin e kryeministrave Giorgia Meloni dhe Edi Rama. Në këtë kuadër, ata diskutuan për mundësitë që ky partneritet të prodhojë rezultate konkrete edhe në fushën e Industrisë Ushtarake, duke e çuar bashkëpunimin në nivele të reja.

Diskutimet e dy ministrave përfshinë gjithashtu analizën e situatës së sigurisë dhe zhvillimet dinamike në rajonin e Ballkanit Perëndimor, me theks të veçantë në sfidat e përbashkëta që paraqet ky rajon. Ministri Vengu dhe ministri Crosetto ndanë qëndrime të përbashkëta për nevojën e mbajtjes së stabilitetit dhe paqes në Ballkan, duke përforcuar angazhimin e të dy vendeve në adresimin e sfidave të sigurisë rajonale.

Pjesë e diskutimeve ishin gjithashtu angazhimet e përbashkëta operacionale të Shqipërisë dhe Italisë në kuadër të NATO-s dhe Bashkimit Europian, me fokus të veçantë në misionin e KFOR në Kosovë, si dhe në rritjen e bashkëpunimit në këtë mision për të garantuar siguri dhe stabilitet të qëndrueshëm në Kosovë dhe rajon. Një tjetër temë thelbësore ishte zhvillimi i kapaciteteve të forcave shqiptare, përmes modernizimit të strukturave dhe investimeve në industrinë ushtarake detare, duke hapur rrugë për mundësi të reja në teknologji dhe aftësi operacionale.

Takimi përforcoi angazhimin e Shqipërisë dhe Italisë për të thelluar bashkëpunimin në mbrojtje dhe për të siguruar një aleancë të fortë dhe efektive që ndihmon stabilitetin e përbashkët rajonal dhe global.