Rama shprehu zgjerimin e SmartLab-eve : 654 laboratorë të tjerë në mbar vendin

Kryeministri Edi Rama njoftoi sot zgjerimin e rrjetit të laboratorëve SMART-LAB në shkollat e Shqipërisë, duke ndarë lajmin përmes një postimi në rrjetet sociale. Ai publikoi pamje nga shkolla 9-vjeçare “Ahmet Gashi” në Tiranë, e cila tashmë është pjesë e rrjetit prej 300 laboratorëve inteligjentë të vendosur në institucione arsimore.

Sipas Ramës, investimet e qeverisë shqiptare do të sjellin krijimin e 654 laboratorëve të rinj SMART-LAB, duke mundësuar që shkollat me numër të madh nxënësish të përfitojnë më shumë se një laborator të tillë. "Mirëmëngjes dhe me lajmin e mirë për laboratorët e rinj inteligjentë, ju uroj një ditë të mbarë," u shpreh ai në postimin e tij.

Ky hap synon përmirësimin e cilësisë së arsimit dhe integrimin e teknologjisë në procesin mësimor, duke iu ofruar nxënësve mjete më të avancuara për zhvillimin e tyre akademik.