Shqipëria pjesë e Këshillit Global të Turizmit të Qëndrueshëm (GSTC)

Shqipëria bashkohet me "Këshillin Global të Turizmit të Qëndrueshëm" , duke u bërë anëtarja më e re e këtij institucioni të rëndësishëm që promovon turizmin e qëndrueshëm . Ky është një hap i madh për Shqipërinë, e cila tani është pjesë e një rrjeti global që mbështet nismat dhe vendimet kryesore për zhvillimin e turizmit të qëndrueshëm, duke theksuar rëndësinë e praktika gjithëpërfshirëse dhe ekologjike. Tirana gjithashtu do të presë "Konferencën për Turizmin e Qëndrueshëm" më 6 dhjetor, me pjesëmarrjen e liderëve të GSTC, përfaqësuesve të Organizatës Botërore të Turizmit dhe sektorit privat të turizmit, në një bashkëpunim me partnerët tanë zviceranë.

Çfarë përfaqëson GSTC

GSTC është një organizatë jofitimprurëse e pavarur dhe neutrale e regjistruar në SHBA 501(c)3 që përfaqëson një anëtarësim të larmishëm dhe global , duke përfshirë qeveritë kombëtare dhe provinciale, kompanitë kryesore të udhëtimit, hotelet, operatorët turistikë, OJQ-të, individët dhe komunitetet – të gjithë përpiqen të arritjen e praktikave më të mira në turizmin e qëndrueshëm. GSTC është një anëtar i komunitetit ISEAL , një organizatë globale e anëtarësimit për sisteme qëndrueshmërie ambicioze, bashkëpunuese dhe transparente. 

“Shqipëria ka një qasje unike ndaj turizmit që reflektohet edhe në politikat tona. Jemi nga të paktat vende ku turizmi dhe menaxhimi i mjedisit drejtohen nga e njëjta ministri, duke krijuar një sistem të brendshëm kontrolli dhe balancimi. Qëllimi ynë është të zhvillojmë turizmin si sektorin kryesor të ekonomisë sonë, por ne jemi po aq të përkushtuar për ta bërë atë në mënyrë të qëndrueshme, duke u kujdesur për mjedisin tonë natyror. Barometri i Turizmit i OKB-së tregon se Shqipëria kryeson Evropën në rritjen e vizitorëve ndërkombëtarë. Ndërkohë, ne kemi përcaktuar mbi 21% të tokës tonë si zonë të mbrojtur, me parqe kombëtare dhe natyrore që ofrojnë mundësi të bukura për ekoturizëm si Vjosa, lumi i fundit i egër i Evropës. Kam besim se GSTC do të na ndihmojë edhe më shumë drejt objektivave tona për një turizëm të qëndrueshëm që respekton mjedisin” , shprehu Mirela Kumbaro Ministre e Turizmit dhe Mjedisit në Shqipëri