Ushqimet që duhet të shmangni për një zemër të shëndetshme

Për të patur një zemër më të fortë e një jetë më të shëndetshme ndonjëherë mund të jetë edhe më e thjeshtë nga cmendojmë. Mjafton të ndjekim disa këshilla e të ulim konsumin e disa ushqimeve të caktuara dhe e arrijmë qëllimin tonë.

Si një kardiologe që ka trajtuar mijëra pacientë, Dr. Elizabeth Klodas tregon cila është pyetja që has më shpesh në profesionin e saj dhe se cilat janë ato ushqime që duhet të konsumojmë për të patur një zemër të shëndetshme.

Sigurisht, që nuk është nevoja të jeni një nutricionist për të kuptuar se nuk do të përfitoni asgjë të mirë nga konsumimi i cheeseburgerave, petullave  apo patateve të skuqura. Por ka një sërë ushqimesh mjaft të njohura që konsumohen masivisht nga njerëzit të cilat nuk janë aq të shëndetshme për zemrën tuaj sa mund të mendoni.

Këtu janë pesë ushqime që gjithmonë përpiqem të shmang kur bëhet fjalë për konsumin me tepri të tzre dhe çfarë zgjedh në vend të tyre:

 Buka

Shumë njerëz habiten kur mësojnë se buka dhe produktet e pjekura janë disa nga kontribuuesit më të mëdhenj të natriumit në dietat tona. Konsumimi i lartë i natriumit mund të rrisë presionin e gjakut, i cili është një faktor kryesor rreziku për sëmundjet e zemrës dhe goditjet në tru.

Një bagel e thjeshtë, për shembull, mund të përmbajë 500 miligram natrium, që është rreth një e treta e asaj që Shoqata Amerikane e Zemrës rekomandon në ditë për shumicën e të rriturve.

Mielli i rafinuar në bukë gjithashtu mund të rrisë sheqerin në gjak. Dhe mbani mend, vetëm për shkak se është kafe, kjo nuk e bën atë më të mirë.

Për përmbajtjen e fibrave, përpiqem të kërkoj kokrra dhe fara të dukshme përgjatë çdo fete dhe synoj të paktën tre gram fibra për 100 kalori.

Margarina

Shumë gjalpë nuk është e shëndetshme për zemrën tuaj, gjithashtu edhe alternativat si margarina nuk janë aspak të shëndetshme.

Shumë në treg janë të përbëra me vaj palme, i cili përmban sasi të larta të yndyrave të ngopura që mund të rrisin kolesterolin tuaj.

Qumështi i skremuar

Qumështi dhe produktet e tij që përmbajnë yndyrë qumështi janë burimet kryesore të acideve yndyrore të ngopura.

E ndërsa qumështi i skremuar mund të jetë alternativa më e mirë, unë ende inkurajoj njerëzit që ta ndryshojnë atë dhe të provojnë alternativa të tjera.

Qumështi i bajameve, arrave apo makadamia janë më të larta në yndyrna të pangopura të shëndetshme për zemrën, siç janë gjithashtu dhe qumështi i sojës, kërpit dhe lirit.

Nëse jeni duke pirë qumësht sepse është një burim i mirë i kalciumit, dijeni se kalciumi mund të gjendet në shumë ushqime të ndryshme.

Bajamet, brokoli, lakra jeshile, portokallet, fasulet, edamame, fiqtë dhe salmoni i konservuar janë të gjitha opsione të shëndetshme për zemrën që mund të shtojnë më shumë kalcium në dietën tuaj.

Pijet dietike me gaz

Edhe pse mund të mos përmbajnë sheqer, por pijet dietike me gaz mund të prishin biokiminë tuaj.

Studimet e fundit kanë zbuluar se ëmbëlsuesit artificialë që gjenden në këto pije mund të ndikojnë në prodhimin e proteinave të rëndësishme në zorrët tona që mbrojnë nga obeziteti dhe diabeti.

Një tjetër opsion i shkëlqyeshëm është një gotë me ujë të gazuar me disa fruta të freskëta dhe gjethe nenexhiku të hedhura brenda.