Vjeshta në Tiranë: Reshjet vijojnë të shoqërojnë nëntorin

Dita e sotme ka rikthyer reshjet e shiut.

Vendi do të jetë nën ndikimin e kushteve atmosferike të paqëndrueshme.

Sipas parashikimeve meteorologjike, moti për këtë të premte do të jetë me alternime dhe kthjellime.

Shiu do të nisë në mëngjes përgjatë vijës bregdetare. Më pas reshjet e shiut do të jenë të pranishme edhe në pjesën e mbetur të Shqipërisë.

Për sa i përket temperaturave në zonat malore parashikohet 5-13° C, në zonat e ulëta 6-21° C dhe në zonat bregdetare 9-20° C.

Kryeqyteti i Tiranës do të jetë përgjatë ditës me vranësira dhe me temperaturë 14° C.

Nëntori vazhdon të jetë i freskët dhe sjell padyshim shiun e vjeshtës.